Welcome to Seerat.ca
Welcome to Seerat.ca

ਪਹਿਲਵਾਨ ਦਾਰਾ ਸਿੰਘ ਧਰਮੂਚੱਕੀਆ

 

- ਪ੍ਰਿੰ. ਸਰਵਣ ਸਿੰਘ

ਬੱਸ ਦੀ ਇੱਕ ਸਵਾਰੀ
ਕੁਲਦੀਪ ਸਿੰਘ ਨੂੰ ਯਾਦ ਕਰਦਿਆਂ

 

- ਕੁਲਵਿੰਦਰ ਖਹਿਰਾ

ਇਹ ਸੂਰਜ ਕਦੇ ਅਸਤ ਨਹੀਂ ਹੋਵੇਗਾ

 

- ਸਾਹਿਬ ਸਿੰਘ

ਸ਼ਬਦ-ਚਿੱਤਰ : ਓਲ਼ਡ ਮੈਨ ਦਾ ਲੰਗੋਟੀਆ

 

- ਦਰਸ਼ਨ ਨੱਤ

ਹਵਾ

 

- ਹਰਜੀਤ ਅਟਵਾਲ

ਗੁਰਸ਼ਰਨ ਸਿੰਘ ਤੋਂ ਪਿੱਛੋਂ ਸੱਖਣੇਪਣ ਦੇ ਰੂ-ਬ-ਰੂ

 

- ਜਸਪਾਲ ਜੱਸੀ

ਵਗਦੀ ਏ ਰਾਵੀ / ਸਾਡੇ ਵਿਚਕਾਰ ਕੌਣ ਖੜੋਤਾ ਹੈ

 

- ਵਰਿਆਮ ਸਿੰਘ ਸੰਧੂ

ਮੇਰੀ ਖੇਡ ਲੇਖਣੀ ਦੀ ਮੈਰਾਥਨ

 

- ਪ੍ਰਿੰ. ਸਰਵਣ ਸਿੰਘ

ਹਿੰਦੀ ਕਹਾਣੀ / ਆਵਰਣ

 

- ਉਦੈ ਪ੍ਰਕਾਸ਼

ਭਾਵਨਾਵਾਂ ਦੇ ਵੇਗ !

 

- ਡਾ.ਸੁਰਿੰਦਰ ਮੰਡ

ਕਹਾਣੀ / ਮੈਂ ਇੰਡੀਆ ਜਾਣਾ ! ਪਲੀਜ਼

 

- ਸੁਖਵੀਰ ਸਿੰਘ ਸੰਧੂ ਪੈਰਿਸ

ਮੇਰੇ ਪਿੰਡ ਦੇ ਬੱਸ ਅੱਡੇ ਦੀ ਸਿਆਸਤੀ ਰੌਂਣਕ

 

- ਹਰਮੰਦਰ ਕੰਗ

ਪੌਲਿਟਿਕਲ ਆਟੋਮੇਸ਼ਨ

 

- ਗੁਰਜੀਤ ਸਿੰਘ

ਇੱਕ ਦਿਲਚਸਪ ਪੁਸਤਕ-ਜੋ ਵੇਖਿਆ ਸੋ ਆਖਿਆ

 

- ਨਿੰਦਰ ਘੁਗਿਆਣਵੀ

ਵਿਸਰਦਾ ਵਿਰਸਾ
ਪੱਖੀ

 

- ਬਲਵਿੰਦਰ ਸਿੰਘ ਚਾਹਲ ਮਾਧੋ ਝੰਡਾ

ਦੋ ਕਵਿਤਾ

 

- ਮਲਕੀਅਤ ਸੁਹਲ

ਇਕ ਕਵਿਤਾ / ਉਡੀਕ

 

- ਦਿਲਜੋਧ ਸਿੰਘ

ਅੱਖਾਂ ਥੱਕ ਗਈਆਂ ਤੱਕ ਤੱਕ ਰਾਹ ਸੱਜਣਾ!

 

- ਸੰਤੋਖ ਸਿੰਘ

ਇੱਕ ਸੀ ਸਾਡਾ ਭਾਅਜੀ ਤੇ ਤੁਹਾਡਾ ਭਾਈ ਮੰਨਾ ਸਿੰਘ

 

- ਹੀਰਾ ਰੰਧਾਵਾ

ਮੇਰੇ ਪੁੱਤਰੋ! ਮੈਂ ਜਿਉਨਾਂ ਵਾਂ

 

- ਕੁਲਵਿੰਦਰ ਖਹਿਰਾ

ਭਾਈ ਮੰਨਾ ਸਿੰਘ ਇਨ੍ਹਾਂ ਨੂੰ ਕਹਿ ਦੇ!!

 

- ਕੁਲਵਿੰਦਰ ਖਹਿਰਾ

 


ਭਾਈ ਮੰਨਾ ਸਿੰਘ ਇਨ੍ਹਾਂ ਨੂੰ ਕਹਿ ਦੇ!!
- ਕੁਲਵਿੰਦਰ ਖਹਿਰਾ
 

 

ਗੁਰਸ਼ਰਨ ਭਾਅ ਜੀ ਦਾ ਤੁਰ ਜਾਣਾ ਮਹਿਜ਼ ਇੱਕ ਕਲਾਕਾਰ ਤੇ ਸਾਹਿਤਕਾਰ ਦਾ ਤੁਰ ਜਾਣਾ ਹੀ ਨਹੀਂ ਸਗੋਂ ਪੰਜਾਬੀ ਨਾਟਕ-ਜਗਤ ਦੇ ਪਿਤਾਮਾ ਦਾ ਤੁਰ ਜਾਣਾ ਹੈ --- ਪਿੰਡ ਦੀ ਸੱਥ ਦੇ ਉਸ ਬੋਹੜ ਦਾ ਤੁਰ ਜਾਣਾ ਹੈ ਜਿਸ ਦੀ ਛਾਂ ਏਅਰ-ਕੰਡੀਸ਼ਨਾਂ ਦੀ ਪਹੁੰਚ ਤੋਂ ਦੂਰ ਤਪਦੇ ਤਨਾਂ ਨੂੰ ਚੈਨ ਹੀ ਨਹੀਂ ਸੀ ਬਖ਼ਸ਼ਦੀ ਸਗੋਂ ਪਿੰਡ ਦੀ ਸਾਂਝ ਅਤੇ ਆਪਸੀ ਨੇੜਤਾ ਦਾ ਸਬੱਬ ਵੀ ਬਣਦੀ ਸੀ। ਗੁਰਸ਼ਰਨ ਭਾਅ ਜੀ ਉਸ ਸੰਘਰਸ਼ ਦਾ ਨਾਂ ਹੈ ਜਿਸ ਨੇ ਜਿ਼ੰਦਗੀ ਵਿੱਚ ਝੁਕਣਾ ਅਤੇ ਰੁਕਣਾ ਕਦੇ ਨਹੀਂ ਸੀ ਸਿੱਖਿਆ। ਬਹੁਤ ਸਾਰੇ ਸਥਾਪਤ ਕਲਾਕਾਰ ਅਜਿਹੇ ਹੋਣਗੇ ਜੋ ਭਾਅ ਜੀ ਦੀ ਨਾਟਕ-ਕਲਾ ਤੇ ਕਿੰਤੂ ਕਰਦੇ ਤੇ ਮਜ਼ਾਕ ਉਡਾਉਂਦੇ ਹੋਣਗੇ --- ਤੇ ਕਰਦੇ ਨੇ --- ਪਰ ਉਹ ਇਸ ਹਕੀਕਤ ਤੋਂ ਮੁਨਕਰ ਨਹੀਂ ਹੋ ਸਕਦੇ ਕਿ ਜੋ ਨਾਮ ਅਤੇ ਪ੍ਰਸਿੱਧੀ ਲੋਕਾਂ ਦੀ ਖਾਤਰ ਜੀਣ ਵਾਲ਼ੇ ਇਸ ਕਲਾਕਾਰ ਨੇ ਖੱਟੀ ਹੈ ਉਹ ਉਨ੍ਹਾਂ ਦੇ ਸਮਕਾਲੀ ਕਿਸੇ ਹੋਰ ਨਾਟਕਕਾਰ ਦੇ ਨਸੀਬੀਂ ਨਹੀਂ ਹੋ ਸਕੀ। ਉਹ ਸਥਾਪਤ ਨਾਟਕਕਾਰ ਇਸ ਗੱਲ ਤੋਂ ਵੀ ਮੁਨਕਰ ਨਹੀਂ ਹੋ ਸਕਦੇ ਕਿ ਜੇ ਪੰਜਾਬ ਵਿੱਚ ਨਾਟਕ ਦੀ ਕੋਈ ਕਦਰ ਪੈਣ ਲੱਗੀ ਹੈ ਜਾਂ ਦ੍ਰਸ਼ਕ ਬਣਨ ਲੱਗੇ ਹਨ ਤਾਂ ਇਹ ਭਾਅ ਜੀ ਦੀ ਸਾਰੀ ਉਮਰ ਦੀ ਘਾਲਣਾ ਦਾ ਹੀ ਨਤੀਜਾ ਹੈ ਜਿਸ ਦੇ ਫ਼ਲਸਰੂਪ ਅੱਜ ਇਨ੍ਹਾਂ ਸਥਾਪਤ ਨਾਟਕਕਾਰਾਂ ਨੂੰ ਵੀ ਦ੍ਰਸ਼ਕ ਮਿਲਣ ਲੱਗੇ ਹਨ। ਇਹ ਮੇਰਾ ਨਿੱਜੀ ਵਿਸ਼ਵਾਸ ਹੈ ਕਿ ਜੇ ਅੱਜ ਟਰਾਂਟੋ ਵਰਗੇ ਸ਼ਹਿਰ ਵਿੱਚ ਵੀ ਪੰਜਾਬੀ ਨਾਟਕ ਦੇ ਪੈਰ ਲੱਗਣ ਲੱਗੇ ਹਨ ਤਾਂ ਇਸ ਦਾ ਸਿਹਰਾ ਵੀ ਗੁਰਸ਼ਰਨ ਭਾਅ ਜੀ ਦੀ ਘਾਲਣਾ ਦੇ ਸਿਰ ਹੀ ਜਾਂਦਾ ਹੈ ਕਿਉਂਕਿ ਸਾਡਾ 99% ਦ੍ਰਸ਼ਕ ਪੇਂਡੂ ਜਿ਼ੰਦਗੀ ਨਾਲ਼ ਸਬੰਧਤ ਹੈ ਅਤੇ ਉਨ੍ਹਾਂ ਹੀ ਪਿੰਡਾਂ ਵਿੱਚੋਂ ਆਇਆ ਹੋਇਆ ਹੈ ਜਿਨ੍ਹਾਂ ਪਿੰਡਾਂ ਦੇ ਥੜ੍ਹਿਆਂ ਉੱਤੇ ਜਾ ਜਾ ਕੇ ਭਾਅ ਜੀ ਨੇ ਨਾਟਕ ਕੀਤੇ ਅਤੇ ਆਮ ਜਨਤਾ ਨੂੰ ਇਸ ਕਲਾ ਨਾਲ਼ ਜੋੜਿਆ।
ਭਾਅ ਜੀ ਨੇ ਨਾਟਕ ਲਿਖੇ ਅਤੇ ਖਿਡਵਾਏ ਹੀ ਨਹੀਂ ਸਗੋਂ ਪੰਜਾਬੀ ਨਾਟਕ ਖੇਤਰ ਨੂੰ ਅਜਿਹੇ ਨਾਮਵਰ ਅਦਾਕਾਰ ਤੇ ਨਾਟਕਕਾਰ ਵੀ ਦਿੱਤੇ ਜੋ ਅੱਜ ਪੰਜਾਬੀ ਨਾਟਕ ਨੂੰ ਹੋਰ ਵੀ ਸਿਖਰਾਂ ਵੱਲ ਲਿਜਾ ਰਹੇ ਹਨ। ਆਪਣੀ ਸਾਰੀ ਉਮਰ ਦੀ ਘਾਲਣਾ, ਲੋਕ-ਸੰਘਰਸ਼ ਲਈ ਪ੍ਰਤੀਬੱਧਤਾ ਅਤੇ ਪੰਜਾਬੀ ਨਾਟਕ ਦੇ ਉੱਜਲੇ ਭਵਿੱਖ ਦੀ ਆਸ ਪੈਦਾ ਕਰਨ ਵਾਲ਼ੇ ਅਦਾਕਾਰਾਂ ਅਤੇ ਨਾਟਕਕਾਰਾਂ ਦੀ ਉਸਾਰੀ ਕਰਕੇ ਭਾਅ ਜੀ ਪੰਜਾਬੀ ਨਾਟਕ-ਜਗਤ ਦੇ ਖੇਤਰ ਵਿੱਚ ਅਜਿਹੀ ਪਛਾਣ ਛੱਡ ਗਏ ਹਨ ਕਿ ਅਮਰ ਹੋ ਗਏ ਹਨ। 15-16 ਸਤੰਬਰ ਨੂੰ ਚੰਡੀਗੜ੍ਹ ਵਿੱਚ ਹੋਏ ਨਾਟਕ ਸੰਮੇਲਨ ਵਿੱਚ ਬੋਲਦਿਆਂ ਹੋਇਆਂ ਉਨ੍ਹਾਂ ਅਦਾਕਾਰਾਂ ਨੂੰ ਸੱਚ ਹੀ ਕਿਹਾ ਸੀ, ਜਦੋਂ ਮੈਂ ਤੁਹਾਨੂੰ ਕੰਮ ਕਰਦਿਆਂ ਵੇਖਦਾ ਹਾਂ ਤਾਂ ਮੈਂ ਮਹਿਸੂਸ ਕਰਦਾ ਹਾਂ ਕਿ ਮੈਂ ਅਜੇ ਜਿਊਨਾਂ ਵਾਂ। ਉਹ ਜੀਣਗੇ ਜਦ ਤੱਕ ਪੰਜਾਬੀਆਂ ਦੇ ਦਿਲਾਂ ਵਿੱਚ ਨਾਟਕ ਦੀ ਤਾਂਘ ਅਤੇ ਸੰਘਰਸ਼ ਦੀ ਚਿਣਗ ਮਘਦੀ ਰਹੇਗੀ। ਉਹ ਜੀਣਗੇ ਜਦ ਤੱਕ ਪੰਜਾਬੀ ਆਪਣੇ ਪੁਰਖਿਆਂ ਦੀ ਘਾਲਣਾ ਤੋਂ ਧੁਰ ਤੱਕ ਬੇਮੁੱਖ ਨਹੀਂ ਹੋ ਜਾਂਦੇ। ਉਹ ਵੈਲੀ ਅੱਖ ਵੱਲ ਇਸ਼ਾਰਾ ਕਰਕੇ ਦਹਾੜਦੇ ਰਹਿਣਗੇ: ਭਾਈ ਮੰਨਾ ਸਿੰਘ ਇਨ੍ਹਾਂ ਨੂੰ ਕਹਿ ਦੇ ਮੈਂ ਅਜੇ ਜਿਊਨਾ ਵਾਂ!

-0-

Home  |  About us  |  Troubleshoot Font  |  Feedback  |  Contact us

2007-11 Seerat.ca, Canada

Website Designed by Gurdeep Singh +91 98157 21346 9815721346