ਨਾਨਕ
- ਜਸਵੰਤ ਜ਼ਫ਼ਰ

ਮਾਫ਼ ਕਰਨਾ
ਸਾਡੇ ਲਈ ਬਹੁਤ ਮੁਸ਼ਕਿਲ ਹੈ
ਨਾਨਕ ਦੀ ਅਸਲੀ ਤਸਵੀਰ ਦਾ ਧਿਆਨ ਧਰਨਾ
ਪੈˆਡੇ ਦੀ ਧੂੜ ਨਾਲ ਲੱਥ ਪੱਥ ਪਿੰਜਣੀਆˆ
ਤਿੜਕੀਆˆ ਅੱਡੀਆˆ
ਨ੍ਹੇਰੀ ਨਾਲ ਉਲਝੀ ਖੁਸ਼ਕ ਦਾਹੜੀ
ਲੂੰਆˆ ਬਰਫਾˆ ਦੀ ਝੰਬੀ ਪਕਰੋੜ ਚਮੜੀ
ਗੱਲ੍ਹਾˆ ਦਾ ਚਿਪਕਿਆ ਮਾਸ
ਤੇ ਚਿਹਰੇ ਦੀਆˆ ਉਭਰੀਆˆ ਹੱਡੀਆˆ ਦੇ ਡੂੰਘ ‘ਚ
ਦਗਦੀਆˆ ਮਘਦੀਆˆ ਤੇਜ਼ ਅੱਖਾˆ
ਅੱਖਾˆ ਜੋ -
ਪਰਿਵਾਰ ਨੂੰ
ਸਰਕਾਰ ਨੂੰ
ਤੇ ਹਰ ਸੰਸਕਾਰ ਨੂੰ
ਟਿੱਚ ਜਾਣਦੀਆˆ
ਬਹੁਤ ਖਤਰਨਾਕ ਸਿੱਧ ਹੋ ਸਕਦੈ
ਸਾਡੇ ਲਈ ਅਸ?ਲੀ ਨਾਨਕ
ਅਜਿਹੇ ਨਾਨਕ ਦਾ ਅਸੀˆ
ਧਿਆਨ ਨਹੀˆ ਧਰ ਸਕਦੇ
ਜੋ ਘਰਾˆ ਨੂੰ ਉਜਾੜ ਸਕਦਾ
ਨਿਆਣੇ ਵਿਗਾੜ ਸਕਦਾ
ਕਿਸੇ ਕਾਅਬੇ ਵੱਲ ਪੈਰ ਕਰਕੇ
ਪ੍ਰਕਰਮਾ ਵਿਚ ਲੇਟਣ ਲਈ ਉਕਸਾ ਸਕਦਾ
ਲਿਹਾਜ਼ਾ
ਲੱਤਾˆ ਤੁੜਵਾ ਜਾˆ ਲੱਤਾˆ ਵਢਵਾ ਸਕਦਾ
ਤੇ ਹੋਰ ਵੀ ਬੜਾ ਕੁਝ ਗਲਤ ਕਰਵਾ ਸਕਦਾ
ਮਸਲਨ
ਅਸੀˆ ਮਜ਼ਹਬੀ ਚਿੰਨਾˆ ਦੇ ਥੋਥੇਪਨ ਨੂੰ ਨਾਪ ਸਕਦੇ ਹਾˆ
ਵਹਿਣਾˆ ਨੂੰ ਮੋੜਨ ਦਾ
ਮਰਿਆਦਾ ਨੂੰ ਤੋੜਨ ਦਾ
ਐਲਾਨਨਾਮਾ ਛਾਪ ਸਕਦੇ ਹਾˆ
ਅਜਿਹੇ ਖਤਰਨਾਕ ਨਾਨਕ ਤੋˆ ਬਹੁਤ ਚਾਲੂ ਹਾˆ ਅਸੀˆ
ਸਾਨੂੰ ਤਾˆ ਚਾਹੀਦੀ ਏ
ਖ਼ੈਰ
ਸੁੱਖ
ਸ਼ਾˆਤੀ
ਸਾਨੂੰ ਤਾˆ ਚਾਹੀਦੀਆ ਨੇ ਮਿੱਠੀਆˆ ਦਾਤਾˆ
ਵਧਦੀਆˆ ਵੇਲਾˆ
ਤੇ ਵੇਲਾˆ ਨੂੰ ਲਗਦੇ ਰੁਪਈਏ
ਸਾਨੂੰ ਤਾˆ ਸੋਭਾ ਸਿੰਘੀ ਮੂਰਤਾˆ ਵਾਲਾ
ਨਾਨਕ ਹੀ ਸੂਟ ਕਰਦਾ ਹੈ
ਸ਼ਾˆਤ
ਲੀਨ
ਲਕਸ਼ਮੀ ਦੇਵੀ ਵਾˆਗ ਉਠਾਇਆ ਹੱਥ
ਹੱਥ ‘ਚੋˆ ਫੁਟਦੀ ਮਿਹਰ
ਤੇ ਅੱਖਾˆ ‘ਚੋˆ ਡੁੱਲ ਡੁੱਲ ਪੈˆਦੀ ਕੋਮਲਤਾ
ਸਨ ਸਿਲਕੀ ਸ਼ਫਾਫ ਦਾਹ?ੜੀ
ਗੋਲ ਮਟੋਲ ਗੋਰੀਆˆ ਗੁਲਾਬੀ ਗੱਲ੍ਹਾˆ
ਫੇਅਰ ਐˆਡ ਲਵਲੀ
ਸੁਰਖ ਟਿਪਸੀ ਹੋˆਠ
ਮੁਲਾਇਮ ਜੈਮਿਨੀ ਪੈਰ
ਕੂਲੇ ਬਾਰਬੀ ਹੱਥ
ਪੈਗੰਬਰੀ ਵਸਤਰਾˆ ਦਾ ਏਰੀਅਲੀ ਨਿਖਾਰ
ਸਾਡੇ ਇਨ੍ਹਾˆ ਘਰਾˆ ਦੀਆˆ ਕੰਧਾˆ ਤੇ
ਨਾਨਕ ਦੇ ਸੋਭਾ ਸਿੰਘੀ ਚਿੱਤਰ ਹੀ ਟਿਕ ਸਕਦੇ
ਰਾਹਾˆ ਨੂੰ ਰੱਦ ਕਰਨ ਵਾਲੇ
ਖਤਰਨਾਕ ਨਾਨਕ ਦੀ ਅਸਲੀ ਤਸਵੀਰ ਦਾ ਭਾਰ
ਸਾਡੀ ਕੋਈ ਕੰਧ ਨਹੀˆ ਝੱਲ ਸਕਦੀ
ਮਾਫ਼ ਕਰਨਾ ਅਸੀˆ ਮਰ ਮਰ ਕੇ ਬਣਾਏ
ਘਰ ਨਹੀˆ ਢੁਆਉਣੇ
ਮਸਾˆ ਮਸਾˆ ਰੱਬ ਤੋˆ ਲਾਏ ਨਿਆਣੇ
ਹੱਥੋˆ ਨਹੀˆ ਗੁਆਉਣੇ
ਅਸੀˆ ਅਸਲੀ ਨਾਨਕ ਦੀ ਤਸਵੀਰ ਦਾ ਧਿਆਨ ਨਹੀˆ ਧਰ ਸਕਦੇ
ਮਾਫ਼ ਕਰਨਾ

-0-