|
ਤਲਖੀਆਂ ਦੇ ਦੌਰ ਵਿਚੋਂ,
ਲੰਘ ਰਿਹਾ ਹੈ ਆਦਮੀ,
ਨਾਗ ਬਣਕੇ ਇੱਕ ਦੂਜੇ ਨੂੰ,
ਡੰਗ ਰਿਹਾ ਹੈ ਆਦਮੀ.
ਮਨ ਚ ਲੈ ਕੇ ਲਾਲਸਾ,
ਲੰਬਾ ਚਿਰ ਜਿਉਣ ਦੀ,
ਮੌਤ ਦੇ ਰੰਗਾਂ ਚ ਜਿੰਦਗੀ,
ਰੰਗ ਰਿਹਾ ਹੈ ਆਦਮੀ.
ਜਿੰਦਗੀ ਨੂੰ ਠਿੱਬੀ ਲਾਉਣ ਦੇ,
ਮੌਕੇ ਤਲਾਸ਼ਦਾ,
ਉਂਝ ਭਲਾ ਸਰਬੱਤ ਦਾ ਵੀ,
ਮੰਗ ਰਿਹਾ ਹੈ ਆਦਮੀ.
ਚੰਗੇ ਨਹੀਂ ਲਗਦੇ ਏਸ ਨੂੰ,
ਅਮਨਾਂ ਦੇ ਆਹਲਣੇ,
ਅਮਨਾਂ ਦੇ ਨਾਂ ਤੇ ਰੋਜ ਹੀ,
ਕਰ ਜੰਗ ਰਿਹਾ ਹੈ ਆਦਮੀ.
ਪੈਰ ਦੱਬ ਕੇ ਲੰਘਣ ਦੀ,
ਜਿਥੇ ਤੋਂ ਲੋੜ ਹੈ ,
ਬਿਨਾਂ ਆਈ ਖੰਘ ਤੋਂ ਵੀ,
ਖੰਘ ਰਿਹਾ ਹੈ ਆਦਮੀ.
ਧਰਤੀ ਦੇ ਝੇੜੇ ਕਰ ਰਿਹਾ,
ਬਹਿ ਕੇ ਬਰੂਦ ਤੇ,
ਸੋਚ ਪਰ ਤਾਰੇ ਫੜਨ ਦੇ,
ਢੰਗ ਰਿਹਾ ਹੈ ਆਦਮੀ.
ਈਰਖਾ ਦਾ ਰੋਗ ਲੱਗਾ,
ਹੋਈਆਂ ਨਾ ਖੁਸ਼ੀਆਂ ਨਸੀਬ,
ਜੰਮਣ ਤੋਂ ਤੋਂ ਲੈ ਕੇ ਮੌਤ ਤੀਕਰ,
ਤੰਗ ਰਿਹਾ ਹੈ ਆਦਮੀ.
ਯਾਦ ਕਰਕੇ ਕਦੇ ਕਦੇ ,
ਸੂਲੀ ਦਾ ਫਲਸਫਾ,
ਆਪਣੇ ਆਪ ਨੂੰ ਸੂਲੀਆਂ ਤੇ,
ਟੰਗ ਰਿਹਾ ਹੈ ਆਦਮੀ.
ਤੀਰਥਾਂ ਤੇ ਪੁੰਨ ਕਰਦਾ,
ਮਥੇ ਵੀ ਟੇਕਦਾ,
ਦਾਨ ਕਰਦਾ ਵੀ ਲੱਗੇ ਕਿ,
ਮੰਗ ਰਿਹਾ ਹੈ ਆਦਮੀ.
ਮੁਕਤੀ ਲੈ ਲਈ ਏਸ ਨੇ,
ਅੱਜ ਕੱਲ ਪਰਾਈ ਪੀੜ ਤੋਂ,
ਤੱਕ ਤੱਕ ਆਪਣੀ ਪੀੜ ਨੂੰ,
ਹੋ ਦੰਗ ਰਿਹਾ ਹੈ ਆਦਮੀ.
ਹਰ ਤਰਾਂ ਦੀ ਭੁਖ ਨੇ,
ਅੰਦਰ ਵਸੇਬਾ ਕਰ ਲਿਆ,
ਅਸਤਰ ਬਸਤਰ ਪਹਿਨ ਕੇ,
ਲੱਗ ਨੰਗ ਰਿਹਾ ਹੈ ਆਦਮੀ.
8146563065
-0-
|
